Gleichstellung, Menschenrechte, Arbeit

Gerechte Lohn tüsken Froolüü un Mannlüü mutt ennelk Gesett worden Mannlüü un Froolüü bruken glieke Utgangslaag

Fredag, de 21. Määrt, is de Glieke-Lohn-Dag: De Froolüü harren bit to disse Dag arbeiden musst, um dat Glieke to verdenen, wat Mannlüü lest Jahr kregen hebben. Dat Lohngatt tüsken Mannlüü un Froolüü bedraggt alltied noch 22 Perzent. De Bundsdagsofgeörnte Johann Saathoff van de SPD verklaart, dat unglieke Lohn wegen dat Geslecht blot mit en Gesett ofstellt worden kann.

„Froolüü verdenen in uns Land in d‘ Snee 22 Perzent minner as Mannlüü. Daarmit liggt Düütskland in de EU-Vergliek up een van de leste Steden“, seggt Saathoff. Up disse malle Tostand maken en Bült Initiativen an de Glieke-Lohn-Dag upmarksaam.

Van sülvst annert sük nix – de Weert is siet Jahren gliek. Daarum is dat hoognödig Tied för en Gesett tegen Lohndiskrimineren. Dit Gesett muss düdelk Utkummst geven over de Lohn in de Bedrieven un in de Tarifverdragen. Dat Gesett muss ofsekern, dat unglieke Lohn ofschafft word, verlangt Johann Saathoff.

„Dat bereinigt Lohngatt, also de direkte Vergliek tüsken Mannlüü un Froolüü mit vergliekbare Qualifikationen un Levenslopen, bedraggt tüsken söven un acht Perzent. Disse Unnerscheed besteiht alleen wegen dat Geslecht“, seggt de Bundsdagsofgeörnte. „Dat is heel klaar en Diskrimineren.“